ભારતીય સંવિધાન દિવસ ઉજવણી

સૌરાષ્ટ્ર યુનિવર્સિટી ના સમાજ કાર્ય ભવન દ્વારા 26 નવેમ્બર, 2025ના રોજ ભારતીય સંવિધાન દિવસની ઉજવણી ગૌરવભેર કરવામાં આવી. કાર્યક્રમમાં સમાજ કાર્ય ભવનના તમામ વિદ્યાર્થીઓ, અધ્યાપકશ્રી તેમજ અધિકારીઓની હાજરી રહી હતી.

કાર્યક્રમ દરમિયાન સમાજ કાર્ય ભવનના અધ્યાપક ડૉ. પ્રિતેશભાઈ પોપટ, ચાંદનીબેન, ફિલ્ડવર્ક ઓફિસર હિરલબેન અને બીનાબેન સહિતના સભ્યોએ વિવિધ આયોજનમાં મહત્વપૂર્ણ ભૂમિકા નિભાવી, જેના કારણે કાર્યક્રમને ભવ્યતા પ્રાપ્ત થઈ.

સમાજ કાર્ય ભવનના અધ્યક્ષ ડૉ. રાજુભાઈ દવે દ્વારા ભારતીય બંધારણની રચના, તેના મૂલ્યો, મૂળભૂત અધિકારો અને નાગરિક ફરજો અંગે વિસ્તૃત માર્ગદર્શન આપવામાં આવ્યું. તેમણે વિદ્યાર્થીઓમાં બંધારણીય જાગૃતિ અને રાષ્ટ્રપ્રેમના મૂલ્યો મજબૂત માટે પ્રેરણાત્મક સંબોધન આપ્યું.

કાર્યક્રમમાં વિશેષ ઉપસ્થિતિ તરીકે શ્રી શૈલેન્દ્ર કુમાર હાજર રહ્યા હતા. તેમની વિશેષ ઉપસ્થિતિ રહી હતી.

અંતે તમામ મહેમાનો, અધ્યાપકો અને વિદ્યાર્થીઓએ ભારતીય બંધારણ પ્રત્યે શ્રદ્ધા વ્યક્ત કરી અને રાષ્ટ્રહિતમાં કાર્ય કરવાના સંકલ્પ સાથે કાર્યક્રમ પૂર્ણ થયો.