સમાજ કાર્ય ભવન સૌરાષ્ટ્ર યુનિવર્સિટી દ્વારા

“નશા મુકત ભારત” જાગૃતિ કાર્યક્રમ યોજાયો.

સમાજ કાર્ય ભવન દ્વારા ડ્રગ્સ જાગૃતી કાર્યક્રમ એક મહત્વપૂર્ણ પહેલ શરૂ કરી છે જેનો ઉદ્દેશ સમાજમાં ડ્રગ્સનો દુરુપયોગને રોકવાનો અને લોકોને તેના જોખમો વિશે જાગૃત કરવાનો છે 

મુખ્ય ઉદ્દેશો 

• ડ્રગ્સના દુરુપયોગના જોખમ વિશે લોકોને જાગૃત કરવા
• ડ્રગ્સ વ્યસનથી પીડિત લોકોને  માર્ગદર્શન આપવું 
• સમાજમાં ડ્રગ્સના દુરુપયોગ રોકવા માટે કાર્યક્રમનું આયોજન કરવું અને નિષ્ણાંત વ્યાખ્યાનો આપવા.

            તારીખ.14 નવેમ્બર 2025 ને શુક્રવારના રોજ સમાજ કાર્ય ભવન દ્વારા કાયદા ભવન, સૌરાષ્ટ્ર યુનિવર્સિટી રાજકોટ ખાતે “નશા મુક્ત ભારત” વિષય પર જાગૃતિ કાર્યક્રમનું આયોજન કરવામાં આવ્યું હતું. કાર્યક્રમનો  મુખ્ય ઉદ્દેશ વિદ્યાર્થીઓ અને યુવાનોમાં વ્યસના દુષ્ટ પરિણામો અંગે જાગૃતિ ફેલાવી નશામુક્ત સમાજ નિર્માણ તરફ પ્રયાસ કરવાનો હતો.

આ જાગૃતિ કાર્યક્રમનાં વિષય નિષ્ણાંત અને મુખ્ય વક્તા તરીકે ડૉ. રાજુભાઈ દવે

સમાજ કાર્ય ભવનના અધ્યક્ષ અને માનવ અધિકાર કાયદા ભવનના પ્રોફેસર ઉપસ્થિત રહ્યા હતા, તેમનાં દ્વારા એક્સપર્ટ વ્યાખ્યાન આપવામાં આવેલું જેમાં તેમને પ્રવર્તમાન સમાજમાં યુવાનોમાં વિવિધ નશાઓની લતો અને તેમની શારિરીક, માનસિક,આર્થિક અને સામાજિક પ્રતિકુળ અસરો સાથે ખાસ તેવોએ‌ “ડ્રગ્સની ગેરકાયદેસર હેરાફેરી તથા યુવાનોને વ્યસન તરફ દોરી જતાં અસામાજિક તત્વોની ઓળખ કરવી એ આજના સમયની અગત્યની જરુરીયાત છે તે ઉલ્લેખ કરેલ તે ઉપરાંત શિક્ષણ સંસ્થાઓની આ અંગેની ભૂમિકા પર વિસ્તૃત માર્ગદર્શન આપ્યું હતું, ડૉ. રાજુભાઈ દવે અંતમાં તેની વાત મુકતા કહેલ કે નશામુક્ત ભારત અભિયાન’ અંતર્ગત સમાજ કાર્ય ભવન, સૌરાષ્ટ્ર યુનિવર્સિટી દ્વારા  વિવિધ શૈક્ષણિક સંસ્થાઓ, સહકારી સંસ્થાઓ અને બિન સહકારી સંસ્થાઓ માં જાગૃતી કાર્યક્રમો યોજીને સતત પ્રયત્નશીલ છે.

         અનવરભાઈ ઠેબા કાર્યક્રમમાં ખાસ ઉપસ્થિત રહીને તેમનાં દ્વારા પ્રેરક વ્યાખ્યાન આપવામાં આવેલ હતું, જેમાં તેઓએ યુવાનોને નશાના ચક્રમાંથી દૂર રાખવા સમાજના સહકારની આવશ્યકતા અંગે ભાર મૂક્યો હતો.

            ડૉ.આનંદભાઈ ચૌહાણ, અધ્યક્ષશ્રી કાયદા ભવન સૌરાષ્ટ્ર યુનિવર્સિટી નાં પ્રેરક માર્ગદર્શન હેઠળ સંપૂર્ણ કાર્યક્રમનું આયોજન કરવામાં આવ્યું હતું, કાર્યક્રમનું સંચાલન ધરાબેન ઠક્કર દ્વારા કરવામાં આવ્યું હતું.

આ કાર્યક્રમમાં સમાજકાર્ય  ભવનના ડૉ. પ્રિતેશભાઈ પોપટ, હિરલબેન રાવલ, બીનાબેન જોષી, ચાંદનીબેન (અધ્યાપિકા)  ઉપસ્થિત રહીને કાર્યક્રમને સફળ બનાવવામાં સક્રિય સહયોગ આપ્યો હતો.

            નશામુક્ત સમાજના નિર્માણ અને નશાથી દૂર રહેવાની અને  આ અંગે  જાગૃતિ ફેલાવવાની કાર્યક્રમ દરમિયાન અધ્યાપકો અને વિદ્યાર્થીઓ દ્વારા પ્રતિજ્ઞા લેવામાં આવી હતી.

કાર્યક્રમની શરુઆત સ્વાગત, સન્માન અને પરિચય દ્વારા થઈ હતી અને કાર્યક્રમનો અંત વિદ્યાર્થીઓ દ્વારા પ્રશ્નોત્તરીથી થયો હતો‌. કાર્યક્રમમાં કાયદા ભવનના વિદ્યાર્થીઓ તથા સમાજ કાર્ય ભવનના વિદ્યાર્થીઓ બહોળી સંખ્યામાં સહભાગીદાર થયાં હતાં.